[食評]：台灣風味午餐 @ 風尚台灣小吃 Feng Shang Taiwanese Restaurant

週日和細周生上完興趣班，就近到對面餐廳享用午餐。風尚台灣小吃是一間台食小店，餐廳內部呈窄長型，裝潢簡單，舒適度一般喇！

食品方面，選擇都算豐富，由地道小吃，小炒麵食，以至滷水煲仔菜皆有，當然不少得一眾台式特飲。

台灣夜市出名，小吃更是其中主力。這客四式台灣香腸，一碟有齊原味、飛魚卵、墨魚及櫻花蝦四款享受。原味口味帶甜；飛魚卵口感卜脆；墨魚上色鹹香；櫻花蝦略帶芥末味最為惹味。

招牌三杯雞煲是餐廳推介，味道調較不算突出，雞肉嫩度亦只屬一般。

筆者喜愛油墨菜，亦愛台式肉燥，順理成章與肉燥 A 菜一拍即合。A 菜選材綠爽清甜。筆者太太覺得肉燥用料略肥，筆者則認為味道調較剛好。

紅燒牛肉麵湯汁標榜無味精，味道濃得來略帶甜味。牛肉份量充足，質感腍身入味都幾好食。加上煙韌的麵條，識食的細周生也嚷著添多一小碗。

荔枝是時令水果，愛其清甜多汁。荔枝玉露亦得其真味，果香充實。在飲品底部有粒粒荔枝爽，既飲得又食得。

相對而言，百香果綠茶味道較清淡輕盈，亦屬夏日解渴佳品。

[3/7/2016; Sun]

**************************************************
味道：3.5/5
環境：3.0/5
服務：3.0/5
衛生：3.0/5
抵食：3.0/5

總評： 3.1/5 - OK+

人均消費：HK$175 (午餐)
**************************************************
餐廳：風尚台灣小吃 Feng Shang Taiwanese Restaurant
電話：2869 8801
地址：天后電氣道39號地下
**************************************************